काठमाडौं । नेपाली कांग्रेसको केन्द्रीय कार्यसम्पादन समिति बैठक आज बस्दैछ । बैठक दिउँसो २ बजे पार्टी केन्द्रीय कार्यालय सानेपामा बस्ने कार्यवाहक मुख्यसचिव कृष्णप्रसाद दुलालले जानकारी दिएका छन् ।
बैठकका एजेन्डा औपचारिक रूपमा सार्वजनिक नगरिए पनि गत फागुनमा सम्पन्न प्रतिनिधिसभा सदस्य निर्वाचनको समीक्षा, त्यसको निष्कर्ष तथा संसदीय दलको नेता चयनलगायत विषयमा छलफल हुने अनुमान गरिएको छ ।
बैठकमा केन्द्रीय कार्यसम्पादन समितिका पदाधिकारी तथा सदस्यहरूलाई उपस्थितिका लागि अनुरोध गरिएको पार्टीले जनाएको छ ।
प्रतिक्रिया