काठमाडौँ । राष्ट्रिय स्वतन्त्र पार्टी (रास्वपा)ले संघीय संसदको संसदीय समितिको सभापतिहरुका लागि पार्टीको उम्मेदवारको टुङ्गो लगाएको छ । बिहीबार सिंहदरवार स्थित रास्वपा संसदीय दलको कार्यालयमा बसेको रास्वपा संसदीय दलको बैठकले २ संयुक्तसहित १० एकल समितिका सभापतिको उम्मेदवार टुङ्गो लगाएको हो ।
रास्वपाले सार्वजनिक लेखा समितिको सभापति प्रमुख प्रतिपक्ष दललाई दिने निर्णय गर्दै अन्य सबै समितिमा पार्टीको तर्फबाट उम्मेदवारी दिने निर्णय गरेको छ ।
संसदीय समितिहरुको निर्वाचन शुक्रबार हुँदैछ । आज त्यसका लागि उम्मेदवारी दर्ता हुँदैछ ।
रास्वपाको आज बसेको बैठकले मुख्य सचेतकमा कबिन्द्र बुर्लाकोटीलाई चयन गर्ने निर्णय गरेको छ । त्यस्तै, बैठकले सचेतकमा प्रकाशचन्द्र परियार र क्रान्तिशिखा धिताललाई चयन गर्ने निर्णय गरेको छ ।
प्रतिक्रिया