काठमाडौं। नेपाल कम्युनिष्ट पार्टी (एमाले)ले पार्टी सचिव पद्माकुमारी अर्याललाई संसदीय दलको उपनेता मनोनीत गरेको छ।
प्रतिनिधिसभा सदस्यसमेत रहेकी अर्याललाई संसदीय दल नेता रामबहादुर थापाले उपनेताको जिम्मेवारी दिएका हुन्।
एमाले संसदीय दलको विधानअनुसार दल नेताले उपनेता चयन गर्ने व्यवस्था रहेको छ।
पार्टीका प्रमुख सचेतक ऐन महरले अर्याललाई उपनेता मनोनीत गरिएको जानकारी दिएका छन्। उनका अनुसार संसदीय दलको आन्तरिक व्यवस्थाअनुसार नेतृत्व टोलीलाई पूर्णता दिने क्रममा यो निर्णय गरिएको हो।
प्रतिनिधिसभामा २५ सांसद रहेको एमालेले प्रमुख सचेतकमा महर र सचेतकमा निता घतानीलाई जिम्मेवारी दिइसकेको छ।
प्रतिक्रिया