प्रतिनिधिसभाका सचिव हर्कराज राई पदमुक्त

काठमाडौं । प्रतिनिधिसभाका सचिव हर्कराज राई पदबाट हटाइएका छन् ।

सभामुख डोलप्रसाद अर्यालको सिफारिसमा राष्ट्रपति रामचन्द्र पौडेलले राईलाई पदमुक्त गरेका हुन् ।

राष्ट्रपति कार्यालयद्वारा जारी विज्ञप्तिअनुसार सङ्घीय संसद्का महासचिव, प्रतिनिधिसभाका सचिव तथा राष्ट्रियसभाका सचिवको पारिश्रमिक, सेवाका शर्त र सुविधा सम्बन्धी ऐन, २०७५ को दफा ६ को खण्ड (ङ) बमोजिम राईलाई २०८३ वैशाख २९ गतेदेखि लागू हुने गरी पदबाट हटाइएको हो ।

यसअघि तत्कालीन सभामुख देवराज घिमिरेको सिफारिसमा राई प्रतिनिधिसभा सचिव नियुक्त भएका थिए । केही दिनअघि सभामुख अर्यालले राईलाई हटाउने उद्देश्यले उनीसँग स्पष्टीकरण मागेका थिए । राईलाई हटाएसँगै अब सभामुखले आफुअनुकुलको व्यक्तिलाई नयाँ सचिव नियुक्तिका लागि राष्ट्रपतिसमक्ष सिफारिस गर्नेछन् ।