काठमाडौं । सशस्त्र प्रहरी बलको टीकापुरस्थित तालिम केन्द्रमा तालिमका क्रममा गर्मीका कारण बेहोस भएका ६ जना प्रशिक्षार्थीलाई थप उपचारका लागि काठमाडौं ल्याइएको छ ।
राजश्व भन्सार तथा औद्योगिक तालिम शिक्षालय, टीकापुर कैलालीमा सञ्चालन भइरहेको सशस्त्र प्रहरी जवान आधारभूत तालिमअन्तर्गत सीएफटी परीक्षा दिँदै गर्दा आठ जना प्रशिक्षार्थी अचानक बेहोस भएका थिए ।
बेहोस भएका प्रशिक्षार्थीमध्ये ६ जनालाई नेपाली सेनाको स्काई ट्रकमार्फत काठमाडौं ल्याइएको सशस्त्र प्रहरीले जनाएको छ । उनीहरूको प्रारम्भिक उपचार टीकापुर अस्पताल र ओमकृष्ण अस्पताल टीकापुरमा गरिएको थियो ।
प्रतिक्रिया