काठमाडौं । चार पटकको विश्वविजेता जर्मनीको विश्वकप यात्रा नकआउट चरणमै समाप्त भएको छ। रोमाञ्चक प्रतिस्पर्धापछि पेनाल्टी सुटआउटमा पाराग्वेसँग पराजित हुँदै जर्मनी प्रतियोगिताबाट बाहिरिएको हो।
निर्धारित ९० मिनेटको खेल १–१ गोलको बराबरीमा सकिएको थियो। त्यसपछि थपिएको अतिरिक्त ३० मिनेटमा पनि दुवै टोलीले गोल गर्न नसकेपछि खेलको निर्णय पेनाल्टी सुटआउटबाट गरिएको थियो।
सुटआउटमा दुवै टोलीका दुई–दुई खेलाडीले पेनाल्टी गोलमा परिणत गर्न सकेनन्। जर्मनीका काई हार्भेज र निक वेटेमेड चुके भने पाराग्वेका फाबियन फलुबेना र एन्टोनियो सानाबिराले पनि अवसर खेर फाले।
दुवै टोलीले पाँच–पाँच प्रहारपछि ३–३ को बराबरी खेलेपछि खेल सडन डेथमा पुगेको थियो। त्यसक्रममा जर्मनीका जोनाथ ताहको प्रहार असफल भएपछि पाराग्वेका जोस क्यानलेले निर्णायक गोल गर्दै आफ्नो टोलीलाई क्वार्टरफाइनलमा पुर्याए।
यस जितसँगै पाराग्वेले विश्वकपको अन्तिम आठमा स्थान सुरक्षित गरेको छ भने उपाधिको दाबेदार मानिएको जर्मनी अप्रत्याशित रूपमा प्रतियोगिताबाट बाहिरिएको छ।
प्रतिक्रिया