काठमाडौं । संघीय संसदअन्तर्गतको प्रतिनिधिसभाको शिक्षा, स्वास्थ्य तथा सूचना प्रविधि समितिको बैठक आज बस्दैछ ।
समितिको बैठक बिहान ९ बजे सिंहदरबारस्थित समिति बैठक कक्षमा बस्नेछ । बैठकमा राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ माथि विस्तृत छलफल गर्ने कार्यसूची रहेको छ ।
छलफलका लागि विज्ञान, प्रविधि तथा नवप्रवर्तन मन्त्री, मन्त्रालयका सचिव, कानून, न्याय तथा संसदीय मामिला मन्त्रालयका सचिव तथा राष्ट्रिय विधि विज्ञान प्रयोगशालाका कार्यकारी निर्देशकलाई समितिले आमन्त्रण गरेको छ ।
बैठकमा विधेयकका विभिन्न प्रावधान, प्रयोगशालाको स्थापना, सञ्चालन तथा व्यवस्थापनसम्बन्धी विषयमा सरोकारवाला निकायसँग छलफल गरी आवश्यक सुझाव संकलन गरिनेछ ।
प्रतिक्रिया