काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेको आह्वानमा रसुवामा आएको बाढीबाट उत्पन्न परिस्थितिबारे छलफल गर्न आज सर्वदलीय बैठक बस्दैछ ।
रास्वपा संसदीय दलको कार्यालय सिंहदरबारमा बिहान ९ बजे बैठक बस्ने पार्टी प्रवक्ता जगदीश खरेलले जानकारी दिए ।
बैठकमा बाढीबाट उत्पन्न परिस्थितिमा राजनीतिक दलहरूबीच आवश्यक समन्वय तथा आगामी कदमबारे छलफल हुनेछ । बाढी प्रभावित क्षेत्रमा भइरहेको खोज तथा उद्धार, राहत व्यवस्थापन र पछिल्लो अवस्थाबारे पनि बैठकमा छलफल हुने प्रवक्ता खरेलले बताए ।
बाढीका कारण रसुवागढी क्षेत्रसहित विभिन्न स्थानमा ठूलो जनधन तथा भौतिक संरचनामा क्षति पुगेको छ । प्रभावित क्षेत्रमा सुरक्षाकर्मी तथा सम्बन्धित निकायबाट खोज तथा उद्धार कार्य जारी रहेको छ ।
प्रतिक्रिया