बुटवल । नेपाल प्रेस युनियन रुपन्देहीको सभापतिमा कल्पना तिवारी निर्वाचित भएकी छन् । युनियनको २२ औँ साधारणसभा तथा १० औँ जिल्ला अधिवेशनबाट तिवारी सभापतिमा निर्वाचित भएकी हुन् ।
मंगलबार भएको मतदानमा तिवारीले ५५ मत प्राप्त गरिन् भने सभापतिका अर्का प्रत्याशी दीपक घिमिरेले ४४ मत पाए ।
यस्तै, सचिवमा राम भण्डारी निर्वाचित भएका छन् । सचिव पदका अर्का प्रत्याशी आचार्य प्रदीपलाई एक मत अन्तरले पराजित गर्दै भण्डारी निर्वाचित भएका हुन् । भण्डारीले ५० मत प्राप्त गर्दा आचार्यले ४९ मत पाए ।
उपाध्यक्षमा रमेश अर्याल (खुला), सीता गौतम बराल (महिला) र तिलक सुवेदी (समावेशी) सर्वसम्मत चयन भएका छन् ।
त्यसैगरी, कोषाध्यक्षमा कल्पना शर्मा तथा सहसचिवमा सृष्टि अधिकारी भुसाल र बसन्तराज बराल चयन भएका छन् । कार्यसमिति सदस्यमा सन्तकुमार श्रेष्ठ र नवीन राना निर्विरोध निर्वाचित भएको निर्वाचन समितिका संयोजक जीवनारायण अधिकारीले जानकारी दिए ।
सभापति र सचिवबाहेक अन्य सबै पदमा सर्वसम्मत भएको हो । अधिवेशनले केन्द्रीय महाधिवेशन प्रतिनिधि र प्रदेश महाधिवेशन प्रतिनिधिसमेत सर्वसम्मत रूपमा चयन गरेको छ।
प्रतिक्रिया