नेपालगन्ज । नेपालगन्ज उपमहानगर भित्रै गौबध गरिरहेका २ जनालाई बाँके प्रहरीले नियन्त्रणमा लिएको छ । नेपालगन्ज १७ स्थित ओलीउद्दिन जोलाहको घरमा गाई रहेका स्थानीय ५३ वर्षिय ओलीउद्दिन जोलाह र ४६ वर्षिय सलाउद्दिन जोलाहलाई पक्राउ गरेको हो ।
गोप्य सुचनाको आधारमा प्रहरी टोलीले खानतलासी गर्ने क्रममा पक्राउ परेकाहरुबाट १६० केजी गाईको मासु बरामद भएको प्रहरीले जनाएको छ । कानुन अनुसार नेपालमा गाई काट्न नपाईने व्यवस्था रहेको अवस्थामा गैरकानुनी गौबध भएको कारण पक्राउ गरिएको प्रहरीले जानकारी दिएको छ ।
प्रतिक्रिया