काठमाडौं । प्रहरी प्रधान कार्यालयले ४३ जना डीएसपीको सरुवा गरेको छ । उनीहरूलाई काज सरुवा गरिएको कार्यालयले जनाएको छ ।
जिल्ला प्रहरी कार्यालय रुपन्देहीमा श्यामु अर्याललाई पठाईएको छ भने प्रहरी वृत्त बानेश्वरमा निशान्त श्रीवास्तव, दरबारमार्गमा कोपिला चुडाल, बालाजुमा रबिन विष्ट, जगातीमा राजकुमार श्रेष्ठ, गौशालामा सञ्जीवबाबु खड्का सरुवा भएका छन् । बाँकेका मधुसुदन न्यौपानेलाई पर्वतको प्रहरी प्रमुख बनाएर पठाइएको छ भने बाँकेमा हाल डीएसपी पठाईएको छैन ।
प्रदेश तथा प्रतिनिधिसभा निर्वाचन सुरक्षालाई लक्षित गर्दै डीएसपीहरुको काज सरुवा गरिएको प्रहरी स्रोतले जनाएको छ ।
प्रतिक्रिया