कोरोना आशंकित एक जनाको पाल्पामा मृत्यु

पाल्पा । तानसेन स्थित मिशन अस्पतालमा उपचारत कोरोनाको आशंका गरिएका एक जनाको मृत्युु भएको छ । खोकी लाग्ने र श्वास फेर्न गारो हुने लक्षण देखिएपछि उनलाई सोमबार पाल्पाको तानसेन स्थित युनाइटेड मिशन अस्पतालमा भर्ना गरिएको थियो ।

उनको उपचारका क्रममा आज दिउँसो मृत्युु भएको युनाइटेड मिशन अस्पताल पाल्पाका प्रशासकिय अधिकृत जिवन भट्टराईले पुष्टी गरेका छन् । स्थानीय क्वारेन्टाईनबाट लक्षण देखिएपछि अस्पताल ल्याईएका उनलाई सिधै आइसोलेसन वार्डमा राखिएको भट्टराईले बताए ।

मृत्यु हुनेमा पुर्वखोला गाउँपालिका वडा १ सिलुवाका ४६ बर्षिय पुरुष रहेका छन् ।

कोरोना को सम्भाबित लक्ष्यण देखिएको हुदा सोमबार नै उनको स्वाव संकलन गरी परीक्षणको लागि प्रादेशिक जनस्वास्थ्य प्रयोगशाला भैरहवामा पठाएको थियो ।

उनको मृत्यु पछि पुनः स्वाव संकलन गरी परीक्षणको लागि पठाएको जिल्ला स्वास्थ्य कार्यालय पाल्पाले जनाएको छ ।
पाल्पामा ५ जनामा कोरोना सक्रमण पुष्टि भैसकेको छ ।