आईओसीबाट ६ रुपैयाँ सस्तिएर आयो पेट्रोल, तर उपभोक्तालाई राहत दिने निगमको छैन योजना

काठमाडौं । इन्डियन आयल कर्पोरेशनले नेपाल आयल निगमलाई इन्धनको नयाँ मूल्यसूची पठाएको छ ।

नयाँ मूल्यसूचीमा आईओसीले पेट्रोलको मूल्य ६ रुपैयाँ ५५ पैसाले घटाएर पठाएको छ । यससँगै निगमलाई पेट्रोलमा ८ रुपैयाँ नाफा बढ्ने भएको छ । आजैबाट लागु हुने गरी इन्धनको मूल्य समायोजन भएर आएको हो ।

डिजेलको मूल्य भने ४४ पैसा मात्र घटेर आएको छ । निमगलाई अझै पनि डिजेलमा ६ रुपैयाँ घाटा रहेको छ ।

यसैगरी हवाइ इन्धनको मूल्यमा प्रतिलिटर एक रुपैयाँ ५० पैसा घटेको छ ।

निगमले नयाँ मूल्यसूची आएपनि उपभोक्तालाई राहत दिने गरी मूल्य घटाउने योजना भने नबनाउने भएको छ । नयाँ मूल्य समायोजनापछि पनि मासिक २० करोड रुपैयाँ नोक्सानी रहेको निगमले दाबी गरेको छ । भारतबाट पछिल्लो मूल्यसूचीसहित चार पटक इन्धनको मूल्य घटेर आएको छ ।