काठमाडौं । सत्तारुढ नेपाल कम्युनिस्ट पार्टी (नेकपा)को सचिवालय बैठक सोमबार बस्ने भएको छ ।
प्रधानमन्त्री निवास बालुवाटारमा सोमबार अपरान्ह ४ बजे बस्ने बैठकमा अमेरिकी सहयोग परियोजना मिलेनियम च्यालेन्स कर्पोरेशन एमसीसी बारे छलफल हुने बताइएको छ ।
नेकपाभित्र एमसीसी पारित गर्ने या नगर्ने भन्ने विषयमा तिब्र विवाद छ । प्रधानमन्त्री केपी शर्मा ओली एमसीसी अहिलेकै अवस्थामा पारित गरिहाल्नुपर्ने पक्षमा हुनुहुन्छ । तर, अध्यक्ष प्रचण्ड सहित धेरै नेताहरु एमसीसी परिमार्जनसहित मात्र पारित हुनुपर्ने अडानमा हुनहुहुन्छ ।
नेकपाभित्र एमसीसी लफडा बढेपछि गत केन्द्रीय कमिटी बैठकले एमसीसीबारे अध्ययन गर्न पार्टीका वरिष्ठ नेता झलनाथ खनालको नेतृत्वमा तीन सदस्यीय अध्ययन कार्यदल बनाएको थियो । कार्यदलले पनि एमसीसी परिमार्जन गरेर मात्र पारित गर्नुपर्ने सुझाव दिएको थियो ।
तर, बजेटमा एमसीसी परियोजनाअन्तर्गत सहायता लिने भनेर उल्लेख गरिएपछि नेकपामा पुनः विवाद बल्झिएको थियो । विवाद समाधान गर्न बसेको सचिवायलयको अघिल्लो बैठकले तत्काल एमसीसी परियोजना अघि नबढाउने, संसदले पारित नगरे वैकल्पिक व्यवस्थाबारे सोच्ने निर्णय गरेको थियो ।
प्रतिक्रिया