राजु गुरुङको रिट आज हेर्न नभ्याइने सूचीमा

काठमाडौं । रुपन्देही क्षेत्र नं २ का सत्ता गठबन्धनका उम्मेदवार राजु गुरुङको रिटमाथिको सुनुवाई आज हेर्न नभ्याइनेमा परेको छ । न्यायाधीश सुष्मालता माथेमा र कुमार रेग्मीको इजलासमा परेको सो रिट आज हेर्न नभ्याइने सूचीमा परेको हो ।

सर्वोच्चले अल्पकालिन अन्तरिक आदेश जारी गर्दै आयोगको निर्णय तत्काल कार्यन्वयन नगर्न र यथास्थितीमा राख्न आदेश जारी गर्दै आज दुवै पक्षलाई छलफलका लागि झिकाएको थियो।

निर्वाचन आयोगले बैंकिङ कसुरमा दोषि ठहर भइ सजाय भुक्तान नगरेका गुरुङ कालोसूचीमा रहेको भन्दै उजुरी बिना उम्मेदवारी खारेज गरिदिएपछि सत्ता गठबन्धनका तर्फबाट नेकपा एकीकृत समाजवादीका उम्मेदवार गुरुङले खारेजीका विरुद्ध सर्वोच्चमा रिट दायर गरेका थिए।

सर्वोच्चले निर्वाचन आयोगलाई ७ दिन भित्रमा म्याद थाम्न नपाउने गरी लिखित जवाफ पेश गर्न समेत भनेको थियो । जिल्लाले दोषी ठहर गरे पनि यो मुद्दा सर्वोच्चमै विचाराधीन छ।