पोखरा । गण्डकी प्रदेशका उर्जामन्त्री हरिशरण आचार्य बर्खास्त भएका छन् ।
मुख्यमन्त्री कृष्णचन्द्र नेपाली पोखरेलले ऊर्जामन्त्री आचार्यलाई आज बर्खास्त गरेका हुन् ।
मन्त्री आचार्यलाई बर्खास्त गरेको पत्र प्रदेश प्रमुख कार्यालयमा पठाइएको मुख्यमन्त्रीको सचिवालयले जनाएको छ ।
नेपाल समाजवादी पार्टीका सांसद रहेका आचार्यले गठबन्धन दलको मर्म विपरित गोरखामा एमाले उम्मेदवारको पक्षमा प्रचार गरेको थाहा पाएपछि गठबन्धनका दलहरुले उनलाई हटाउने सहमति गरेका थिए । उनले प्रचण्ड विरुद्ध गोरखामा एमालेलाई समर्थन गरेको भन्दै माओवादी नेताहरुले आपत्ति जनाएका थिए ।
यसअघि आचार्यले आफ्नै पार्टीका नेता फणिन्द्र देवकोटा विरुद्ध बागी दिएपछि पछि फिर्ता लिएका थिए ।उनी तत्कालिन नयाँ शक्ति पार्टीबाट गोरखा क्षेत्र नं. १ को प्रदेशसभा क बाट निर्वाचित भएका थिए ।
प्रतिक्रिया