काठमाडौं । रवि लामिछाने नेतृत्वको राष्ट्रिय स्वतन्त्र पार्टीभित्र समानुपातिक सांसद चयनका विषयमा विवाद सुरु भएको छ ।
केही महिना अघि मात्रै गठन भएको रास्वपाले पहिलो पटक चुनाव लडेरे समानुपातिक प्रणालीअन्तर्गत १३ सिट प्राप्त गरेको छ । यही सिट बाँटफाँटको विषयमा नेताहरुबीच विवाद देखिएको हो ।
रास्वपले समानुपातिकममा पर्नको लागि पार्टीको आन्तरिक प्राइमरी इलेक्सन गराएर नाम संकलन गरेर बन्द सूची तयार गरेको थियो । तर, अहिले प्राइमरी इलेक्सनमा कम मत ल्याएकाहरुलाई माथि ल्याएर सांसद बनाउन खोजिएको भन्दै बन्दसूचीमा नाम रहेकाहरुले विरोध गरेका छन् । उनीहरुले बसुन्धरास्थित पार्टी कार्यालयमा धर्नादिँदै घण्टी बजाउन सुरु गरेका छन् ।
निर्वाचन आयोगले बिहीबार मात्रै दलहरुलाई सिट संख्या विभाजन गरेर तीन दिनभित्र आयोगमा सांसदहरुको नाम बुझाउन पत्राचार गरेको थियो । यसअघि बुझाएको बन्दसूचीबाट क्लस्टरअनुसार नाम मिलाएर दलहरुले आयोगलाई नाम पठाउनुपर्ने हुन्छ ।
प्राइमरी इलेक्सनमा कम मत ल्याएकाहरुले चुनावको बेला नेताको अघिपछि हिँडेर अहिले सांसद बन्न चलखेल गरेको र केही नेताहरुले चलखेल गरेको असन्तुष्टहरुले आरोप लगाएका छन् ।
प्रतिक्रिया