सोलुखुम्बु । सोखुखुम्बुको खुम्बु पासाङ ल्हामु गाउँपालिकाका अध्यक्षको निधन भएको छ ।
मंगलबार बिहान ८३० बजे गाउँपालिका अध्यक्ष ङिम दोर्जी शेर्पाको ३९ बर्षको उमेरमा निधन भएको हो ।
सानो आन्द्रामा क्यान्सर भएर १० महिनादेखि थलिएका शेर्पाले काठमाडौंको ह्याम्स अस्पतालमा केमोथेरापी गरिरहेका थिए । तर स्वास्थ्यमा सुधार नआएपछि उनलाई हेलिकोप्टरमार्फत जन्मस्थल लुक्ला ल्याइएको थियो ।
गाउँपालिकाले आफ्ना अध्यक्षको अल्पायुमै निधन भएकोमा गहिरो शोक व्यक्त गरेको छ । स्वास्थ्य अवस्था कमजोर बन्दै गएपछि शेर्पाले गाउँपालिकाका उपाध्यक्ष टासील्हामु शेर्पालाई कार्यबहाक अध्यक्षको जिम्मेवारी दिएका थिए ।
खुम्बु क्षेत्र र शेर्पा समुदायमा लोकप्रिय बनेका शेर्पा २०७४ सालको स्थानीय तहको निर्वाचनमा नेकपा (तत्कालिन नेकपा एमाले)को तर्फबाट उम्मेदवार बनि विजयी बनेका थिए ।
प्रतिक्रिया