काठमाडौं । रोल्पा क्षेत्र नम्बर १ (२) बाट माओवादीबाट बिद्रोह गरेर स्वतन्त्र उम्मेदवारी दिएर लुम्बिनी प्रदेश सभा सदस्यमा निर्वाचित भएका दीपेन्द्र कुमार पुनमगर (सिजल) नेकपा माओवादी केन्द्रमा फर्किएका छन् ।
गत मंसिर ४ को निर्वाचनमा तत्कालीन सत्ता गबठन्धनको आधिकारिक उम्मेदवार नेपाली कांग्रेसका अमरसिंह पुनविरुद्ध माओवादीबाट बिद्रोह गरेर उम्मेदवारी दिएका दीपेन्द्रपुनः माओवादीमा फर्केका हुन् । स्वतन्त्र उठेपनि दीपेन्द्रले माओवादी समर्थकहरुकै्र मतबाट साढे ५ हजार भन्दा बढी मत अन्तरले विजयी बनेका थिए । दीपेन्द्रले १४ हजार ९२७ मत पाउँदा अमरसिंहले १० हजार ४०६ मत पाएका थिए ।
प्रदेशसभा सदस्य दीपेन्द्रले माओवादी केन्द्रका अध्यक्ष एवम् प्रधानमन्त्री पुष्पकमल दाहाल प्रचण्डलाई आत्मालोचना पत्र लेख्दै पार्टीमै फर्केका हुन् । उनलाई प्रचण्डले बालुवाटारस्थित प्रधानमन्त्री निवासमा स्वागत गरेका छन् ।
निर्वाचन अघि दीपेन्द्र माओवादी केन्द्रको पोलिटव्युरो सदस्य एवम् रोल्पा जिल्ला इञ्चार्जको जिम्मेवारीमा थिए । उनले स्वतन्त्र उम्मेदवारी दिएपछि माओवादीले पार्टीका सबै जिम्मेवारीबाट कारवाही गरेर निस्कासन गरेको थियो ।
प्रतिक्रिया