काठमाडौं । उपप्रधान एवं गृहमन्त्री रवि लामिछानेको नागरिकता विवादमा परेको मुद्दामाथि सर्वोच्च अदालतमा भैरहेको सुनुवाइ हेर्दा हेर्दैमा सकिएको छ ।
सर्वोच्च अदालतको संवैधानिक इजलासमा बुधबार रिट निवेदक र प्रतिवादी पक्षका वकिलहरुले बहस सकेपछि सुनुवाइ हेर्दैमा सकिएको हो । अब शुक्रबार बस्ने इजलासमा पुनः सुनुवाइ हुनेछ ।
आजको सुनुवाइका क्रममा रिट निवेदकका तर्फबाट बहस गर्ने वकिलहरुले रवि लामिछाने नेपाली नागरिक नै नभएको जिकिर गरे । उनीहरुले लामिछानेले अमेरिकी कानूनअनुसार सपथ लिएर त्यहाँको नागरिकता प्राप्त गरेका कारण हाल उनी नेपाली नागरिक नभै नेपाली मुलका विदेशी नागरिक भएको दाबी गरे ।
लामिछानेको तर्फबाट बहस गर्ने सहमहान्यायाधिवक्ता सञ्जीवराज रेग्मीले रिट निवेदन बदरभागी भएको जिकिर गरे । लामिछानेका निजी वकिलहरु सुशील पन्त र सुनिल पोखरेलले पनि जवाफी बहस गरे।
सुनुवाइ बुधबार नकिएपछि शुक्रबारसम्म हेर्दाहेर्दैमा राखिएको हो । शुक्रबार बहस सकिएपछि इजलासले आफ्नो फैसला सुनाउनेछ ।
प्रतिक्रिया