बुटवल । रुपन्देहीका बिभिन्न नदिहरुमा नदिजन्य पदार्थ उत्खनन गरिरहेको अवस्थामा प्रहरीले सवारी साधन नियन्त्रणमा लिएको छ ।
जिल्ला प्रहरी कार्यालय रुपन्देहीको अबैध नदिजन्य पदार्थ उत्खनन नियन्त्रण गर्ने अभियान अन्तर्गत खटिएको प्रहरी टोलीले जिल्ला रुपन्देही देवदह नगरपालिका, ओमसतिया गाउँपालिका, रोहिणी गाउँपालिका र सुद्धोधन गाउँपालिकाबाट अबैध नदिजन्य पदार्थ उत्खनन गरिरहेको अवस्थामा १३ थान सवारीसाधन नियन्त्रणमा लिएको हो ।
प्रहरीले ९ वटा ट्याक्टर ३ वटा जेसीभी र १ वटा टिप्पर गरी जम्मा १३ वटा सवारी साधनहरु नियन्त्रणमा लिएर जरिवाना तिराएर छाडेको रुपन्देही प्रहरीले जनाएको छ ।
नियन्त्रणमा आएका साधनका धनीहरुबाट स्थानिय निकायहरुमा मार्फत २ लाख ६८ हजार जरिवाना असुल भएको पनि प्रहरीले जानकारी दिएको छ ।
प्रहरीका अनुसार नियन्त्रणमा लिएका साधनलाई सम्बन्धित स्थानीयतहमा बुझाएकोमा स्थानीयतहले जरिवाना तिराएर सवारीसाधन छाडेको हो ।
प्रतिक्रिया