काठमाडौ । राष्ट्रपतिमा रामचन्द्र पौडेललाई समर्थन गरेका आठ दलका शीर्ष नेताहरुले सांसदहरुलाई प्रशिक्षण दिएका छन् ।
नेकपा माओवादी केन्द्रका अध्यक्षसमेत रहेका प्रधानमन्त्री पुष्पकमल दाहाल प्रचण्ड, कांग्रेस सभापति शेरबहादुर देउवासहित ८ दलका शीर्ष नेताको उपस्थितिमा काठमाडौंको तीनकुनेस्थित एक ब्यान्क्वेटमा सांसदहरूलाई प्रशिक्षण दिइएको हो।
शीर्ष नेताहरुले संघीय संसदअतर्गत प्रतिनिधिसभा र राष्ट्रियसभाका सांसदहरूलाई प्रशिक्षण दिएका हुन् ।
कार्यक्रममा प्रचण्ड, देउवासहित एकीकृत समाजवादीका अध्यक्ष माधवकुमार नेपाल, जसपा नेता राजेन्द्र श्रेष्ठ, लोसपा अध्यक्ष महन्थ ठाकुर, जनमतका सांसद अब्दुल खानलगायत नेता रहेका छन् ।
राष्ट्रपति निर्वाचनमा संघीय सांसदहरुबाट भोट क्रस नहोस र भोट बदर नहोस भन्ने उद्देश्यले आठ दलको बैठकले अभिमुखिकार्यक्रम गर्ने निर्णय गरेको थियो ।
आजै राष्ट्रपतिका उम्मेदवार रामचन्द्र पौडेलले सबै सांसदहरुलाई पत्र लेखेर आफुलाई भोट दिन आग्रह गरेका छन् ।
आठ दलले २१ गते प्रदेशका सांसदहरुलाई अभिमुखिकरण प्रशिक्षण दिने कार्यक्रम राखेको छ ।
यही फागुन २५ गते हुने राष्ट्रपति निर्वाचनमा ८ दलबाट पौडेल र नेकपा एमालेबाट सुवास नेम्वाङ राष्ट्रपति पदका लागि उम्मेदवार छन्।
प्रतिक्रिया