उपराष्ट्रपतिको उम्मेदवार छान्न बालुवाटारमा गठबन्धनको बैठक

काठमाडौं । काठमाडौं । उपराष्ट्रपतिको विषयमा सहमति गर्न गठबन्धनमा रहेका राजनीतिक दलहरुबीच छलफल भैरहेको छ ।

बैठकले गठबन्धनबाट उपराष्ट्रपतिको उमेदवार कसलाई बनाउने निर्णय गर्नेछ । गठबन्धनभित्रका दलहरुबाट फरकफरक उम्मेदवार घोषणा भएपछि बैठकले साझा उम्मेदवारको खोजी गर्न बैठक बसेको हो । उपराष्ट्रपति पदमा गठबन्धनभित्रका जसपा, नागरिक उन्मुक्ति पार्टी र जनमत पार्टीले दाबी गरेका छन्।

निर्वाचन आयोगले उपराष्ट्रपतिमा पुरुष बन्न नपाउने निर्णय गरेपछि गठबन्धन दलहरूले आपत्ती जनाएका छन् ।

प्रमुख निर्वाचन आयुक्त दिनेशकुमार थपलियाले उपराष्ट्रपतिको निर्वाचनका लागि हुने उम्मेदवारको मनोनयनपत्र दर्ताका क्रममा पुरुष उम्मेदवारको उम्मेदवारी दर्ता नगर्न निर्वाचन अधिकृतलाई निर्देशन दिएको बताइएको छ ।

उपराष्ट्रपति निर्वाचन अन्तर्गत आज उमेदवार मनोनयनको कार्यतालिका छ ।