काठमाडौं । शाओमी, ग्लोबल टेक्नोलोजी लिडरले शुक्रबार नेपालमा रेडमी नोट ९ सार्वजनिक गरेको छ ।
नोट ९ सिरिजमा सार्वजनिक गरिएको मध्ये यो दोस्रो फोन हो । हालै सार्वजनिक भएको रेडमी नोट ९ प्रो का साथ, नयाँ रेडमी नोट स्मार्टफोन लाइनअपले कुनै फ्ल्यागसीप मुल्य बिन्दु बिना अत्याधुनिक डिजाइन र नविनता जारी राख्ने शाओमी नेपालले दाबी गरेको छ ।
शाओमी नेपालका कन्ट्री जनरल म्यानेजर सौरभ कोठारीले भन्छन्, ‘हामी नोट ९ सिरिजमा अर्को स्मार्टफोन नेपालमा सार्वजनिक गर्न पाउँदा निकै उत्साहित छौं ।’
५०२० एमएएच ब्याट्री, ४८ एमपी क्यामेरा र मिडियाटेक हेलियो जी ८५ प्रोसेसर जस्ता विशेषताका साथ रेडमी नोट ९ लाई उपभोक्ताले मन परोउन कोठारीले विश्वास व्यक्त गरे ।
४ जीबी +१२८जीबी भेरियन्टमा दुई कलर – मिडनाइट ग्रे र फरेस्ट ग्रीनमा उपलब्ध रेडमी नोटको मूल्य २२ हजार ९९९ रुपैयाँ पर्दछ । १८ सय भन्दा बढि मी प्रिफर्ड पार्टनरहरु, मी अफलाइन स्टोर, रिटेल पार्टनर र अनलाईन पार्टनर डराज र सस्तोडिलमा छिट्टै उपलब्ध हुनेछ शाओमी नेपालले जनाएको छ ।
प्रतिक्रिया