दाङ । प्यूठानको भिंग्री नजिकै टाकुरा भन्ने ठाउँमा भएको दुर्घटनाबाट मृत्यु भएको ८ जना मध्य ७ जनाको सनाखत भएको छ ।
आज मध्यान्ह सो दुर्घटनामा परि कारमा सवार ८ जनाको घटनास्थल मै मृत्यू भएको थियो । सनाखत भएका मृतकहरुमा तुल्सीपुर १५ कोठरीका ३५ वर्षिया सरिता शर्मा पोख्रेल, पोख्रेलका १४ वर्षिय छोरा विशाल पोख्रेल र अर्का ९ वर्षिय छोरा विकाश पोख्रेल, लमही ७ गढवा ४० वर्षिय गोविन्द शाह र उनकि श्रीमती ३० वर्षिया राधा नेपाली तथा र उनीहरुका ९ वर्षिय छोरा आदित्य शाह रहेका छन् । कार चालक लमही ४९ का तारा कुमालको पनि मृत्यु भएको प्रदेश प्रहरी प्रवक्ता बरिष्ठ प्रहरी उपरीक्षक कृष्णबहादुर पल्लीले जानकारी दिए । उनका अनुसार १ जनाको सनाखत हुन बाँकी रहेको छ ।
कार टाकुराको माथिल्लो घुम्तीबाट तल्लो घुम्तीमा अन्दाजी करिब ३५ मिटर तल झरेको छ । कार पूर्णरुपमा क्षतिग्रस्त भएको ईलाका प्रहरी कार्यालय भिग्रीले जनाएको छ ।
स्वर्गद्वारी मन्दिर दर्शन गरेर फर्किदै गरेको लु १ च ६३४५ नम्बरको कार भिंग्री नजिकै टाकुरा भन्ने स्थानमा दुर्घटना भएको थियो ।
प्रतिक्रिया