उपचाररत बिरामीको मृत्यु भएपछि भरतपुरको मनकामना अस्पतालमा तालाबन्दी

चितवन । अस्पतालमा उपचारको क्रममा तीन महिने गर्भवी महिलाको मृत्यु भएपछि चितवनको भरतपुरस्थित मनकामनामा तनाव भएको छ । भरतपुर महानगरपालिका वडा नंं २६ घर भएकी ३२ वर्षीया नविना महतोको उपचारको क्रममा मृत्यु भएपछि मृतकका आफन्तले अस्पतालको मुल गेटमा ताला लगाइदिएका छन् ।

उपचारमा लापरबाही भएकोले मृत्यु भएको भन्दै आफन्तहरुले अस्पताल घेराउ गरेको चितवन प्रहरीले जनाएको छ । अस्पतालका अनुसार रक्तश्राव भएर अस्पताल आएकी नविनाको शुक्रबार दिउँसो अपरेशन गरिएको थियो ।

सामान्य रक्तश्रावमा पनि अस्पतालले हेलचेक्र्याइँ गरेको कारण भाउजुको मृत्यु भएको मृतक महतोका देवर सन्तोष चौधरीले आरोप लगाए । उनले अस्पतालले शव बुझ्ने कागजमा जबरजस्ती हस्ताक्षर गराउन खोजेको पनि बताए ।

पीडित र अस्पताल ब्यवस्थानकाबीच छलफलको प्रयास भइरहेको र तनवको अवस्था आएपछि मध्यरातीबाटै अस्पताल परिषमर बाहिर प्रहरी परिचालन गरिएको छ ।