बुटवल । कपिलवस्तुका दुई जना मृगौलाका बिरामीलाई सिद्धार्थ बैक लिमिटेडका कर्मचारीहरुले आर्थिक सहयोग गरेका छन् ।
मृगौला पीडित हरी न्यौपाने र शिवराज नगरपालिका चन्द्रौटाका प्रकाश विक्रम जि.सी.लाई बैंकका जीतपुर कपिलवस्तु शाखामा कार्यरत कर्मचारीहरुले आफ्नो दैनिक खाजा खर्च कटाएर वाणगंगा आर्थिक सहयोग गरेका हुन ।
बैकका जीतपुर शाखा प्रबन्धक मनोज पौड्यालले सो रकम पीडित परिवारलाई हस्तान्तरण गरेका थिए ।
प्रत्येक आर्थिक बर्षको अन्त्यमा कर्मचारीहरुले क्लोजीङ पार्टि गर्ने गरेको र यस बर्ष कोरोना भाईरसको कारणले सामाजीक दुरी कायम गर्नुपर्ने भएकाले क्लोजीङ पार्टि नगरी सो रकम मृगौला पीडितलाई सहयोग गरीएको शाखा प्रबन्धक पौड्यालले बताए ।
रकम ग्रहण गर्दै मृगौला पीडित न्यौपाने र जिसीले बैङ्कलाई धन्यबाद दिए । कर्मचारीहरु सुरज राजवंशी, दिलिप पौडेल, योगेश पराजुली, कुलदिप बेल्वासे, अनिल कुँवर क्षेत्री र हिम्मत भुषालबाट सो रकम संकलन भएको थियो ।
दुवै जनाको आर्थिक अवस्था निकै दयनीय भएकाले सहयोग गरेको कर्मचारीहरुले बताएका छन् ।
प्रतिक्रिया