काठमाडौं । नेपाली राष्ट्रिय क्रिकेट टिमका प्रशिक्षक मोन्टी देसाइले नेपालका अलराउन्डर दीपेन्द्रसिंह ऐरीलाई मैदान फर्काउने प्रयास भइरहेको बताएका छन् । ओमानसँगको खेलपछि मोन्टीले यस्ताे बताएका हुन् ।
‘दीपेन्द्र हाम्रा लागि महत्वपूर्ण खेलाडी हुन्। हामीले हरेक स्रोतहरु लगाइरहेका छौं । हरेक विशेषज्ञहरुले दिपेन्द्रको लागि के ठिक हुन्छ सबै थोक गरिरहेका छन्,’ उनले भने, ‘हामीले दिपेन्द्रको करिअरको बारेमा पनि सोच्नुपर्छ । हामी सामुहिक छलफलमै छौं ।’
तर दिपेन्द्रले भोलि शुक्रबार हुने यूएईविरुद्धको सेमिफाइनल खेल खेल्ने नखेल्ने बारेमा केही थाहा नभएको देसाइले बताए ।
दीपेन्द्र यसअघि सिंगापुरविरुद्धको खेलअघि घाइते भएका थिए । सोही दिन उनलाई उपचारका लागि मेडिसिटी अस्पताल पुर्याइएको थियो । उनको गोलीगाँठोमा चोट लागेको थियो ।
प्रतिक्रिया