काठमाडौं । ४ देश सम्मलित महिला टी-२० क्रिकेट सिरिजको दोस्रो खेलमा आज (बिहीबार) नेपालले हङकङसँग खेल्दैछ । नेपाल र हङकङको खेल हङकङस्थित हङकङ क्रिकेट क्लबको मैदानमा हुनेछ ।
नेपाल र हङकङबीचको खेल नेपाली समयानुसार बिहान ११:४५ बजेदेखि सुरु हुनेछ । दुवै टोली जित निकाल्ने लक्ष्यका साथ मैदान उत्रिनेछन् ।
नेपालले पहिलो खेलमा हार बेहोरेको थियो । बुधबार भएको खेलमा नेपाल तान्जानियासँग २७ रनले पराजित भएको थियो ।
बिहीबार दोस्रो खेलमा हङकङसँग खेल्न लागेको नेपालले मंसिर २ गते जापानको सामना गर्नेछ । शीर्ष दुई टोलीले उपाधिका लागि भिड्नेछन्। पुछारका दुई टोलीले तेस्रो स्थानका लागि प्रतिस्पर्धा गर्नेछन् ।
सिरिजमा आयोजक हङकङसँगै नेपाल, तान्जानिया र जापान सहभागी छन् ।
प्रतिक्रिया