काठमाडौं । प्रभु बैंकले साउन १९ गतेदेखि १० प्रतिशत ब्याजदरमा २ अर्ब रुपैयाँ बराबरको ऋणपत्र निष्काशन गर्ने भएको छ ।
बैंकले प्रतिकित्ता एक हजार रुपैयाँको दरले २ अर्ब रुपैयाँ बराबारको २० लाख कित्ता ऋणपत्र १० प्रतिशत ब्याजदरमा निष्काशन गर्ने लागेको हो ।
ऋणपत्रमा लगानीकर्ताले न्यूनतम २५ कित्ता देखि अधिकतम ३ लाख कित्ताका लागि आवेदन दिन सक्नेछन्।
बैंकले निष्काशन गर्न लागेका ऋणपत्र मध्ये १ अर्ब २० करोड रुपैयाँबराबरको १२ लाख कित्ता ऋणपत्र व्यक्तिगत तवरबाट बिक्री गर्नेछ । यस्तै बाँकी ८० करोड रुपैयाँ बराबरको ८ लाख कित्ता सर्वसाधारणका लागि निष्काशन गर्ने भएको छ ।
सर्वसाधारणका लागि निष्काशन गरिने कुल ऋणपत्रमध्ये ५ प्रतिशत अर्थात ४० हजार कित्ता ऋणपत्र सामूहिक लगानी कोषका लागि छुट्याइएको छ भने बाँकी ७ लाख ६० हजार कित्ताका लागि सर्वसाधारणले आवेदन दिन सक्नेछन् ।
बैंकले ऋणपत्रको निष्काशन तथा बिक्री प्रबन्धक नबिल इन्भेष्टमेन्ट बैंकिङ्ग लिमिटेड तोकेको छ। ऋणपत्रमा छिटोमा साउन २३ गते देखि भदौ १ गतेसम्म आवेदन दिन सकिनेछ।
प्रतिक्रिया