काठमाडौं । मंगलबार पक्राउ परेका आफूलाई ‘लिटल बुद्ध’ दाबी गर्ने कथित तपस्वी रामबहादुर बम्जनलाईको घरबाट ३ करोड रुपैयाँभन्दा बढी नगद बरामद भएको छ।
केन्द्रीय अनुसन्धान ब्युरो सीआईबीले बूढानीलकण्ठस्थित घरबाट बम्जनलाई पक्राउ गरेसँगै ३ करोड ३० लाख रुपैयाँ बरामद गरेको जनाएको छ । यसबाहेक उनको घरबाट १५ वटा मोबाइल, ३ थान ल्यापटप, र ३५ थान पेनड्राइभ पनि बरामद भएको सीआईबीका एक उच्च अधिकारीले जनाएका छन्।
बम्जन मंगलवार साँझ काठमाडौंको बुढानिकण्ठ स्थित उनकै घरबाट पक्राउ परेका थिए। बम्जनमाथि २०७३ साल साउन २० मा आश्रममा आएका तीन युवतीलाई प्रलोभनमा पारेर यौनशोषण र बलात्कारपछि बेपत्ता गरेको आरोप छ।
बम्जनविरुद्ध सर्लाही, मकवानपुर र सिन्धुपाल्चोकमा मुद्दा दर्ता छ। आश्रममा बसेका आनीसहित ४ जनालाई बेपत्ता बनाएको, बलात्कार गरेको र हत्या गरेको आरोपमा उनी प्रहरीको खोजी सूचीमा दिए।
प्रतिक्रिया