नवलपरासी । गैँडाको आक्रमणमा परि पूर्वी नवलपरासीमा एक जना महिला घाइते भएकी छिन् ।
जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलका अनुसार आज दिउँसो साढे २ बजेतिर देवचुली १० पृथ्वीनगर लोकाहा खोला किनारमा देवचुली-१० पृथ्वीनगरकी ६० बर्षीया महिला ठगिसरा सुनारी मगरलाई गैँडाले आक्रमण गरेको हो ।
उनी बाख्रा चराउन जंगल गएको बेला गैँडाले आक्रमण गरेको हो । उनको ढाड, बाँया गाला, दाँया खुट्टा र दुवै पाखुरामा चोट लागेको छ । घाइते सुनारी मगरको अवस्था मध्यम रहेको र उनको दलदले स्थित देवचुली अस्पतालमा उपचार भईरहेको छ ।
घटनाको बारेमा थप अनुसन्धान भईरहेको र उक्त वन क्षेत्रमा प्रहरी टोली वन कार्यालयका कर्मचारी खटिएको प्रहरीले जनाएको छ ।
प्रतिक्रिया