रिलायन्स लाइफ इन्स्योरेन्सले साधारण सेयर निष्काशन गर्न धितोपत्र बोर्डबाट अनुमति पायो ,६३ लाख कित्ता सेयर निष्काशन गर्ने

खबर कुरा
१६ श्रावण २०७७, शुक्रबार

काठमाडौं । रिलायन्स लाइफ इन्स्योरेन्सले साधारण सेयर निष्काशन गर्न नेपाल धितोपत्र बोर्डबाट अनुमति पाएको छ। कम्पनीले साउन १६ गते जारी पूँजीको ३० प्रतिशत  ६३ लाख कित्ता अर्थात ६३ करोड रुपैयाँ बराबरको साधारण सेयर सर्वसाधारणलाई निष्काशन गर्न अनुमति पाएको हो।

कम्पनीकले संस्थापक सेयरधनीतर्फबाट १ अर्ब ४७ करोड रूपैयाँ चुक्ता पूँजी कायम गरिसकेको छ । इन्स्योरेन्सको अधिकृत पूँजी ३ अर्ब र जारी पूँजी २ अर्ब १० करोड रूपैयाँ छ। इन्स्योरेन्सले निष्काशन गर्न लागेको साधारण सेयरलाई इक्रा नेपालले ग्रेड ४ रेटिङ्ग प्रदान गरेको छ।

कम्पनीले शेयर निष्काशन तथा बिक्री प्रबन्धकमा सानिमा क्यापिटल तोकेको छ।

यसमा तपाइको मत

Your email address will not be published. Required fields are marked *


*