काठमाडौं । प्रसिद्ध लोक गायक बमबहादुर कार्की र शिबा आले कार्कीले नेपाली सङ्गीत बजारमा थप एक लोक भाका पस्केका छन् । उनीहरुको आवाजमा रहेको नयाँ म्युजिक भिडियो शुक्रबार देखि बजारमा आएको हो ।
बियोगान्त कथामा आधारित म्युजिक भिडीयो जिन्दगीमा बमबहादुर कार्कीको संकलन, संगीत तथा आवाज रहेको छ भने प्रकाश भट्टले म्युजिक भिडीयाको निर्देशन गरेका छन् । महेन्द्र गौतम, अन्जली अधिकारी, सिताराम पौडेल र खेम बाको अभिनय रहेको म्युजिक भिडीयाको निर्मात्री भने कार्की पत्नी तथा लोक गायीक शिला आले कार्की रहेकी छन् ।
विष्णु शर्माले सम्पादन गरेको भिडीयोको संगीत एरेन्ज भने बिबि अनुरागीको रहेको छ । प्रिज्मा स्टुडियोमा तयार गरिएको म्युजिक भिडीयो गोरखा म्युजिकले बजारमा ल्याएको हो । पानको पात दोहोरी गीतबाट लगातार चर्चाको शिखरमा रहेका कार्कीको नेपाली संगीत बजारमा सयौं लोकभाकाहरु रहेका छन् ।
प्रतिक्रिया