भैरहवा । रुपन्देहीमा अन्तराष्ट्रिय कराते प्रतियोगिता हुने भएको छ । आगामी चैत्र २९ र ३० गते रुपन्देहीमा अन्तराष्ट्रिय कराते प्रतियोगिता हुने भएको हो ।
तेस्रो एमजिके अन्तराष्ट्रिय कराते प्रतियोगिताको सम्पुर्ण तयारी पूरा भएको आयोजक संस्था जापान गोजिरियो डो मिसन एशोसियनस नेपालका केन्द्रीय प्रशिक्षक केबि रानाले जानकारी दिए ।
शुक्रबार मंगलापुरमा पत्रकार सम्मेलन गर्दै आयोजकले प्रतियोगितामा भारत, भुटान र नेपालका साढे ३ सय खेलाडीहरु सहभागी हुने जानकारी दिए । मंगलापुरको बगैचामा हुने उक्त प्रतियोगितामा महिला र पुरुषहरुको अलग अलग उमेर समूह र तौल समूहबीच प्रतिसपर्धा गराईने छ । प्रतियोगितामा करातेको काता र कुमूते विधामा खेल हुने आयोजकले जनाएका छन ।
पहिलो एमजिके अन्तराष्ट्रिय कराते कोभिढ अगाडी र दोस्रो गत बर्ष रुपन्देहीको तिलोत्तमा नै भएको थियो । गत बर्ष नेपाल प्रथम, भुटान सेकेन्ड र भारत तेस्रो भएको थियो ।
उक्त कार्यक्रमको लागि सबै क्षेत्रको सहयोग जरुरी रहेको नेपाल कराते महासंघ लुम्बिनी प्रदेशका अध्यक्ष भरत बहादुर के.सीले बताए । राखेप रुपन्देहीका पुर्व अध्यक्ष समेत रहेका के.सीले प्रेम, अहिंसा कायम कराते खेलको महत्व अति हुनै बताए । उनले नेपालको परिप्रेक्ष्यमा गोजुरीयो कराते अत्यन्तै रहेको समेत बताए ।
प्रतियोगितामा विभिन्न तौल समूहको प्रतियोगिता हुने आयोजकले बताएका छन् । जुनियर तर्फ ९ बर्ष उमेर समूहको केटा र केटिको २० किलो तौल समूह, २५ किलो, २९ किलो र ३३ किलो तौल समूहबीच प्रतिस्पर्धा हुनेछ । यसैगरी १० देखि १७ वर्ष उमेर समूहमा केटाको ३५ केजि, ४० केजी, ४५ केजी, ५० केजि र ५५ केजी तौल समूहबीच प्रतिसपर्धा हुनेछ । यसैगरी केटी तर्फ ३५ केजी, ४० केजि, ४५ केजि, ५० केजि र ५५ केजि तौल समूहबीच प्रतिस्पर्धा हुने छ ।
यसैगरी सिनियर तर्फ १८ बर्ष माथिको कुमूते र काता प्रतियोगिता हुने आयोजकले जनाएका छन् । केटाहरुको ५० केजि, ५५ केजि, ६० केजि, ६७ केजि, ७५ केजि र ८४ केजि तौल समूहमा प्रतिसपर्धा गराईनेछ । यसैगरी केटि तर्फ ४५ केजि, ५० केजि, ५५ केजि, ६१ केजि, ६८ केजि र ६८ केजि उमेर भन्दा बढीको समूहबीच प्रतिसपर्धा गराईने आयोजकले बताएका छन् ।
प्रतिक्रिया