हेटौंडा । मकवानपुरमा बिहीबार ३७ जनामा कोरोना संक्रमण पुष्टि भएको छ ।
हेटौंडास्थित किटजन्य रोग अनुसन्धान तथा तालिम केन्द्रको प्रादेशिक प्रयोगशालामा गरिएको स्वाब परीक्षणमा १० जना प्रहरीसहित ३७ जनामा कोरोना संक्रमण पुष्टि भएको हो ।
सोमबार र मंगलबार संकलन गरिएको स्वाब परीक्षण गर्दा यति ठूलो संख्यामा संक्रमण देखिएको हो ।
संक्रमित हुनेमा हेटौंडा उपमहानगर क्षेभित्रका १८ जना रहेका छन् । जसमध्ये हेटौंडा–२ का १ जना, हेटौंडा–४ का ४ जना, हेटौंडा–५ का ४ जना, हेटौंडा– ९ का सबैभन्दा धेरै ७ जना, हेटौंडा–१० का १ जना, हेटौंडा–१३ का १ जना रहेका छन् ।
यसैगरी, भिमफेदी गाउँपालिकाका ३ जना, थाहा नगरपालिकाका २ जना, बकैया गाउँपालिकाका २ जना रहेका छन् । यस्तै, १० जना प्रहरी एवं चितवन र काठमाडौं ठेगाना भएका एक एक जनामा पनि कोरोना संक्रमण पुष्टि भएको छ ।
मकवानपुरमा कोरोना संक्रमित दिनदिनै बढ्न थालेपछि उपमहानगर क्षेत्रमा निषधाज्ञा लगाइएको छ । छिमेकी बारा र पर्सा र रौतहटबाट आएकाहरुबाट संक्रमण बढेको बताइएको छ । मकवानपुरमा लक्षणसहितका संक्रमितहरु बढ्दै गएका छन् ।
प्रतिक्रिया