चितवन । आकस्मिक कक्षमा कार्यरत एक नर्सलाई कोरोना संक्रमण पुष्टि भएपछि चितवनको भरतपुर अस्पतालको आकस्मिक कक्ष बन्द (सिल) गरिएको छ ।
भरतपुर अस्पतालले सूचना जारी गर्दै अर्को जानकारी नगराएसम्म अस्पतालको आकस्मिक कक्ष सिल गरिएको जनाएको हो ।
नर्समा सङ्क्रमण पुष्टि भएपछि आकस्मिक कक्ष सिल गर्नुपरेको अस्पतालका प्रमुख मेडिकल सुपरिटेन्डेन्ट डा श्रीराम तिवारीले बताएका छन् । त्यहाँ रहेका बिरामीलाई भने अन्य स्थानमा सारिएको छ ।
भरतपुर अस्पतालै कोभिड–१९ प्रयोगशालामा बिहीबार गरिएको परीक्षणमा ती नर्सलाई संक्रमण पुष्टि भएको थियो ।
भरतपुर अस्पताल कोभिड १९ प्रयोगशालामा बिहीबार परीक्षणमा १६ जनामा कोरोना सङ्क्रमण देखिएको थियो । त्यसमध्ये १५ जनाको स्वाव भरतपुर अस्पतालबाटै संकलन गरिएको थियो । एक जनाको भने पुरानो मेडिकल कलेजबाट लिइएको थियो ।
प्रतिक्रिया