काठमाडौं । एयर डाइनेस्टीको हेलिकप्टर दुर्घटनाबारे छानबिन गर्न तीन सदस्यीय जाँचबुझ आयोग गठन भएको छ ।
मन्त्रिपरिषद्को बुधबार बसेको आकस्मिक बैठकले जाँचबुझ आयोग गठन गर्ने निर्णय गरेको सरकारका प्रवक्ता एवम् सञ्चार तथा सूचना प्रविधिमन्त्री पृथ्वीसुब्बा गुरुङले जानकारी दिए ।
आयोगको नेतृत्व नेपाली सेनाका बरिष्ठ पाइलट सुवास थापाले गर्नेछन् । एरोनोटिकल इन्जिनियर विष्णु बस्नेत र तनुजा पोखरेल सदस्य छन् । काम सुरु भएको मितिले ३० दिनभित्र प्रतिवेदन पेस गर्न समयावधि तोकिएको प्रवक्ता गुरुङले बताए ।
बुधबार काठमाडौंबाट रसुवाका लागि उडान भरेको एयर डायनेस्टीको हेलिकप्टर नुवाकोटको सूर्यचौर डाँडामा दुर्घटना हुँदा पाँच जनाको निधन भएको थियो । दुर्घटनामा पाइलट र चार जना चिनियाँ नागरिकको मृत्यु भएको छ ।
प्रतिक्रिया