कपिलवस्तु । कपिलवस्तुको शुद्धोदन गाउँपालिकाको लवनी चौराहामा मास्क नलगाएर हिँडने युवालाई मास्क लगाउन अनुरोध गर्दा ६ जना प्रहरी कुटिएका छन् ।
प्रहरी चौकी लवनीमा प्रहरी नायव निरीक्षक बिनोद कुमार बरुन सहित ६ जनामाथि कुटपिट भएको हो ।
कुटपिटमा ३ जना गम्भिर घाइते भएका छन भने ३ जना समान्य घाइते भएका छन् ।
गम्भिर घाइते प्रहरीलाई उपचारको लागी क्रिमसन अस्पताल लगिएको प्रहरी नायव उपरीक्षक सुनिल मल्लले बताएका छन् ।
घटनाको विवरण बुझ्दा मास्क नलगाइ साइकलमा आएका २ जनालाई मास्क लगाएर चलाउन अनुरोध गरेका थिए ।
प्रहरीले सम्झाई बुझाई घर पठाए पनि गाउँबाट ७ ,८ जना लाई बोलाई एक्कासी आक्रमण गरिएको मल्लले जानकारी दिएका छन ।
घाइतेमा प्रहरी हवल्दार विनोद कुमार बरुन, प्रहरी जवानहरु जियावन कोहार र महेन्द्र यादव रहेका छन् ।
घटनापछि लवनीमा ठुलो संख्यामा प्रहरी परिचालन गरिएको छ । आरापीको पहिचान भइसकेको र उनीहरुको खोजी कार्य भइरहेको मल्लले बताएका छन् ।
प्रतिक्रिया