बुटवल । आज पनि रुपन्देहीमा १२ जना थप नयाँ संक्रमित थपिएका छन् । स्वास्थ्य कार्यालय रुपन्देहीका अनुसार लुम्बिनी प्रादेशिक अस्पताल र नेशनल प्याथ ल्यावबाट प्राप्त पछिल्लो बिवरण अनुसार १२ थप नयाँ संक्रमित थपिएका हुन् ।
मंगलबार थपिएका नयाँ संक्रमितहरुमा तिलोत्तमा नगरपालिकाका ३ जना , बुटवल उपमहानगरपालिकाका ३ जना, सिद्धार्थनगर नगरपालिकाका ३ जना, देवदह नगरपालिकाका २ जना र सुद्धोदन गाँउपालिकाका १ जना रहेको स्वास्थ्य कार्यालय रुपन्देहीका कोरोना फोकल पर्शन केदार शाहले जानकारी दिए ।
बुटवलमा थपिएका संक्रमितहरुमा वडा नम्बर ११ का २ जना र १३ का १ जना छन् । प्रदेश ५ जन स्वास्थ्य प्रयोगशालाको रिपोर्ट आउन बाँकी रहेको शाहले बताए ।
रुपन्देहीमा समुदायस्तरमा कोरोना फैलंदै गएपछि स्थानीय तहले स्थानीयस्तरमा लकडाउनको घोषणा गरेका छन् । रुपन्देहीका १ उपमहानगर सहित ५ वर्ट नगरमा लकडाउनको घोषणा गरिएको छ ।
प्रतिक्रिया