सहकारी संस्थाको ५ करोड ६७ लाख रुपैयाँ ठगी गरेको अभियोगमा एकजना पक्राउ

खबर कुरा
२४ भाद्र २०७७, बुधबार

काठमाडौं । काठमाडौं महानगरपालिका-२१ न्युरोडस्थित नौलो परिवेश बचत तथा ऋण सहकारी संस्था लिमिटेडको ५ करोड ६७ लाख रुपैयाँ ठगी गरेको अभियोगमा प्रहरीले एकजनालाई पक्राउ गरेको छ । माहानगरिय अपराध महाशाखाका अनुसार सहकारीको रकम हिनामिना गर्ने काठमाडौं महानगरपालिका(३१ बस्ने ४४ वर्षीय राजकाजी खड्गीलाई प्रहरीले पक्राउ गरेको हो ।

सहकारीको प्रबन्धक पदमा ७ वर्षसम्म कार्यरत रहँदाको हिसाव तथा सहकारीको बैंक खाता सञ्चालन समेतको सम्पूर्ण जिम्मा लिई हिसाबको विवरण नदेखाई रकम ठगी फरार रहेका उनलाई महानगरीय अपराध महाशाखा मिनभवनले ललितपुर महानगरपालिका-२३ धापाखेलबाट पक्राउ गरेको प्रहरीले जनाएको छ ।

पक्राउ परेका खड्कीलाई आवश्यक कारवाहीको लागि महानगरीय प्रहरी परिसर टेकु पठाइएको महाशाखाले जानकारी दिएको छ ।

यसमा तपाइको मत

Your email address will not be published. Required fields are marked *


*