पोखरा । गण्डकी प्रदेशमा थप ४९ जनामा कोरोना भाइरसको संक्रमित पुष्टि भएको छ ।
क्षयरोग उपचार केन्द्र पोखरामा गरिएको परीक्षणमा गण्डकी प्रदेशमा थप ४९ जनामा कोरोना पुष्टि भएको हो ।
कास्कीका १९, स्याङ्जाका १२, बागलुङका ९, नवलपरासी पूर्वका ५, तनहुँका ३ र पर्वतका १ जनामा संक्रमित पुष्टि भएको हो ।
संक्रमतिमा कास्कीको पोखरा महानगरपालिका( १५ की २३ वर्षीया महिला पश्चिमाञ्चल सामुदायिक अस्पताल पोखरामा कार्यरत स्टाफ नर्स हुन् भने पोखरा महानगरपालिका( ३२ का ५० वर्षीय पुरुष सोही अस्पतालमा उपचाररत बिरामी हुन् ।
त्यस्तै, पोखरा महानगरपालिका( १९ का २२ वर्षीय पुरुष पोखरामा र पर्वतका २८ वर्षीय पुरुष कुश्मामा नेपाल प्रहरीमा कार्यरत छन् ।
्बाग्लुङको जैमिनीका ५१ वर्षीया महिला पोखरा महानगरपालिकामा रहेको फेवासिटी अस्पतालमा उपचाररत छन् । अन्य कोरोना पुष्टि भएका व्यक्ति सबै विदेशबाट आएर क्वारेन्टाइनमा रहेका थिए ।
उनीहरू सबैलाई आइसोलेसन केन्द्रमा लैजाने तयारी भइरहेको गण्डकी स्वास्थ्य निर्देशनालयका निर्देशक डा.विनोदविन्दु शर्माले जानकारी दिए । योसँगै गण्डकी प्रदेशमा संक्रमितको संख्या २ हजार ७ सय २८ पुगेको छ ।
प्रतिक्रिया