पोखरा । पोखराको पश्चिमाञ्चल अस्पतालमा एक कोरोना संक्रमित पुरुषको मृत्यु भएको छ ।
गत भाद्र २४ गते कोरोना संक्रमण पुष्टि भइ पश्चिमाञ्चल अस्पतालको आइसीयुमा उपचाररत स्याङ्गजा पुतलीबजार नगरपालिका वडा नं १ निवासी ८५ वर्षीय बृद्धको शनिबार बिहान ६:३२ बजेको समयमा मृत्यु भएको अस्पतालका निर्देशक अर्जुन आचार्यले पुष्टि गरे ।
कोरोना संक्रमण भइ अस्पतालमा उपचारका क्रममा मृत्यु हुनेमा उनी दशौँ व्यक्ति हुन् । गण्डकी प्रदेशमा अहिलेसम्म कोरोना संक्रमणका कारण २३ जनाले ज्यान गुमाएका छन् ।
प्रतिक्रिया