बुटवल । नेपाली हिपहप संगीतका उदयमान गायक लिल झोला (वास्तविक नाम आकाश क्षेत्री) पहिलोपटक बुटवलमा प्रस्तुति दिन लागेका छन् । भाइस नेशन, बुटवलको आयोजनामा शनिबार द कन्सेप्ट, कालिकानगरमा ‘जीन भी अर्बन नाइट’ हुने भएको छ ।
कार्यक्रमबारे जानकारी दिँदै आयोजक उत्तम आचार्यले हाल चर्चामा रहेका लिल झोलालाई बुटवल ल्याएर युवाहरूलाई सांगीतिक मनोरञ्जन दिने उद्देश्य राखिएको बताए ।
साँझमा लिल झोलासँगै डिजे मोनिका, मेलोन थापा लगायत कलाकारहरूको विशेष प्रस्तुति रहनेछ । करिब ७०० जनाको सहभागिता हुने अनुमान गरिएको र टिकट शुल्क प्रतिव्यक्ति ८ सय रुपैयाँ तोकिएको आयोजकले जनाएको छ ।
बुटवलपछि लिल झोलाको कार्यक्रम भारतको दिल्ली र कलकत्तामा तय भएको छ ।
प्रतिक्रिया