दुबई । युएईमा जारी आइसिसी एकदिवसीय विश्वकप लिग–२ अन्तर्गत अमेरिकासँगको खेलमा नेपालले पहिले ब्याटिङ गर्ने भएको छ।
दुबईस्थित आइसिसी एकेडेमीमा टस जितेपछि अमेरिकाले फिल्डिङ रोजेपछि नेपाल ब्याटिङका लागि उत्रिने भएको हो। खेल सवा ११ बजेदेखि सुरू भएको छ।
जारी त्रिकोणात्मक सिरिजमा नेपाल अहिलेसम्म दुवै खेलमा पराजित भइसकेको छ। पहिलो खेलमा अमेरिकासँग र दोस्रो खेलमा घरेलु टोली युएईसँग हार भोगेको थियो। अमेरिकासँगको यो खेल नेपाल र अमेरिकाबीचको दोस्रो प्रतिस्पर्धा हो।
नेपालले अब नोभेम्बर ५ मा युएईविरुद्ध अन्तिम खेल खेल्नेछ, त्यसपछि टोली स्वदेश फर्कने योजना छ।
आजको खेलमा सोमपाल कामीलाई बेन्चमा राखिएको छ भने उनको स्थानमा नन्दन यादवलाई खेलाइएको छ।
नेपालको टिम यसप्रकार छः कप्तान रोहित पौडेल, दीपेन्द्रसिंह ऐरी, आशिफ शेख, सन्दीप लामिछाने, कुशल भूर्तेल, भीम सार्की, गुल्सन झा, आरिफ शेख, नन्दन यादव, करण केसी र ललित राजवंशी।
प्रतिक्रिया