प्रधानमन्त्री कार्कीले आज सातवटै प्रदेशका मुख्यमन्त्रीसँग छलफल गर्दै

काठमाडौं । प्रधानमन्त्री सुशीला कार्कीले आज सातवटै प्रदेशका मुख्यमन्त्रीहरूसँग महत्वपूर्ण छलफल गर्न लागेकी छन् । संघीय संरचनामा सहकार्य र संवादलाई थप प्रभावकारी बनाउन उद्देश्यसहित प्रधानमन्त्री कार्कीले बैठक आह्वान गरेकी हुन् ।

बैठक आज अपराह्न ४ बजे प्रधानमन्त्रीको सरकारी निवास बालुवाटारमा बस्नेछ । प्रधानमन्त्रीको सचिवालयका अनुसार बैठकमा कोशी प्रदेशका मुख्यमन्त्री हिक्मतबहादुर कार्की, मधेशका जितेन्द्र सोनल, बागमतीका इन्द्रबहादुर बानियाँ, गण्डकीका सुरेन्द्रराज पाण्डे, लुम्बिनीका चेतनारायण आचार्य, कर्णालीका यामलाल कँडेल र सुदूरपश्चिमका कमलबहादुर शाह सहभागी हुनेछन् ।

बैठकमा संघीय सरकार र प्रदेश सरकारबीचको सहकार्य, नीति कार्यान्वयनको प्रभावकारिता र समसामयिक राजनीतिक विषयमा समेत छलफल हुने अपेक्षा गरिएको छ ।