काठमाडौँ । निर्वाचन आयोगले समानुपातिकतर्फका उम्मेदवारहरूको बन्दसूची सार्वजनिक गरेको छ ।आइतबार आयोगले प्रेस विज्ञप्ति मार्फत समानुपातिक उम्मेदवारहरूको बन्दसूची सार्वजनिक गरेको जनाएको हो ।
फागुन २१ गते हुने प्रतिनिधि सभा सदस्य निर्वाचनको लागि राजनीतिक दलबाट निर्वाचन आयोगमा पेस भएका उम्मेदवारको बन्दसूची निर्वाचन आयोगले प्रकाशित गरेको हो । आयोगले प्रतिनिधि सभा सदस्य समानुपातिक निर्वाचन निर्देशिका, २०८२ को दफा २५ बमोजिम आज सार्वजनिक गरी आयोगको वेबसाइट राखेको हो ।
सार्वजनिक भएको विवरणमा ५७ निर्वाचन चिह्नमा ६३ राजनीतिक दलबाट पेस भएका ३ हजार २१३ जना उम्मेदवारको बन्दसूची प्रकाशन गरिएको छ ।
आयोगका प्रवक्ता नारायणप्रसाद भट्टराईले हस्ताक्षर गरेको विज्ञप्तिमा उक्त बन्दसूचीमा नाम समावेश भएका कुनै उम्मेदवारको योग्यताको सम्बन्धमा दाबी विरोध गर्न चाहने मतदाताले उजुरी गर्न सकिने उल्लेख छ ।
माघ ५ देखि माघ १० सम्म बिहान १० बजेदेखि साँझ अपराह्न ४ बजेभित्र निर्वाचन आयोग समानुपातिक निर्वाचन प्रणालीतर्फको निर्वाचन अधिकृतको कार्यालयमा उपस्थित भई उजुरी दिन सकिने विज्ञप्तिमा जनाइएको छ ।
प्रतिक्रिया