काठमाडौं । नेपाली कांग्रेसले प्रतिनिधिसभा संसदीय दलको नेता आगामी वैशाख ४ गते चयन गर्ने भएको छ ।
निर्वाचन समितिका संयोजक प्रकाश स्नेहीका अनुसार वैशाख २ गते बैठक बसेर निर्वाचन कार्यतालिका सार्वजनिक गरिनेछ । वैशाख ३ गतेसम्म सर्वसम्मतिको प्रयास गरिने र सहमति नभए वैशाख ४ गते निर्वाचनमार्फत नेता चयन गरिने तयारी गरिएको छ ।
उनले पार्टीका नेताहरू हाल प्रदेशगत निर्वाचनको समीक्षा कार्यमा व्यस्त रहेकाले संसदीय दलको नेता चयन प्रक्रिया केही ढिलाइ भएको जानकारी दिए ।
कांग्रेसले फागुन २१ गते सम्पन्न निर्वाचनमा व्यहोरेको हारको देशव्यापी समीक्षा गरिरहेको छ । संसदीय दलको नेताका लागि भीष्मराज आङदेम्बे, अर्जुननरसिंह केसी र मोहन आचार्यसहितका सांसदहरू प्रतिस्पर्धामा रहेका छन् ।
प्रतिक्रिया