काठमाडौं । राष्ट्रपति रामचन्द्र पौडेलले संवैधानिक परिषद्सम्बन्धी अध्यादेश सरकारलाई फिर्ता पठाएका छन्।
मन्त्रिपरिषद्को सिफारिसमा प्रमाणीकरणका लागि शीतलनिवास पुगेको उक्त अध्यादेश राष्ट्रपति पौडेलले स्वीकृत नगरी पुनर्विचारका लागि लागि फर्काएका हुन्।
राष्ट्रपति कार्यालयद्वारा जारी विज्ञप्तिमा मन्त्रिपरिषद्को निर्णयअनुसार पेश गरिएको “संवैधानिक परिषद् (काम, कर्तव्य, अधिकार र कार्यविधि) (पहिलो संशोधन) अध्यादेश, २०८३” को विषयवस्तु पुनर्विचार गर्न आवश्यक देखिएकाले फिर्ता पठाइएको उल्लेख गरिएको छ।
यसअघि सरकारले पठाएका अन्य सात अध्यादेश भने राष्ट्रपति पौडेलले प्रमाणीकरण गरिसकेका छन्। तर संवैधानिक परिषद्सँग सम्बन्धित अध्यादेशको हकमा थप समीक्षा आवश्यक ठानेर फिर्ता गरिएको जनाइएको छ।
राष्ट्रपति पौडेलले आजै थप एक अध्यादेश जारी गरेका छन् । उनले आइतबार साँझ केही नेपाल ऐनलाई संशोधन गर्ने अध्यादेश २०८३ जारी गरेका हुन् ।
प्रतिक्रिया