बुटवल । बुटवल उपमहानगरपालिकामा बा आमासँग नगरप्रमुख स्वास्थ्य परिक्षण तथा उपचार शिविर कार्यक्रम प्रभावकारी बनेको छ । नगरपालिका तेस्रो चरणको कार्यक्रम चलिरहेको छ ।
उपमहानगरपालिकाले नगर कार्यपालिका बैठकबाट पारित गरी कार्यक्रम सञ्चालन गरेको हो । तेस्रो चरणको कार्यक्रम अन्तर्गत मोतिपुर बुटवल ८, बुद्धनगरमा शिविर गरी जेष्ठ नागरिकको ल्याब टेस्ट सहित निःशुल्क औषधि वितरण भइरहेको छ ।
मंगलबार बुद्धनगरमा भएको शिविरमा जेष्ठ नागरिकको भीड लागेको थियो । शिविरमा विशेषज्ञ चिकित्सक सहितको टिमले ६० वर्षमाथिका नागरिकको स्वास्थ्य चेकजाच भइरहेको उपमहानगरपालिकाका स्वास्थ्य शाखा प्रमुख युवराज पाण्डेयले जानकारी दिए ।
शिविरमा उपचारका लागि जेष्ठ नागरिकको भीडभाड लागेको छ । नगरप्रमुख खेलराज पाण्डेयले निजी अस्पतालसँग पनि समन्वय गरी शिविर सञ्चालन भइरहेको बताए । चेकजाँचमा जेष्ठ नागरिकमा सुगर र प्रेसरका बढी बिरामी आएका उनको भनाइ छ ।
नगरपालिकाले आउदो वर्ष मोतिपुर स्वास्थ्य चौकीमा विशेषज्ञ डक्टरको दरबन्दी र बेलबासमा फिजियो थेरापी सेवा सञ्चालनमा ल्याएको जानकारी समेत गराए ।
नगर उपप्रमुख सावित्रादेवी अर्यालले कार्यक्रमले नगरबासीमा राम्रो प्रभाव परेको बताइन । कार्यक्रमबाट जेष्ठ नागरिक उत्साहित बनेको उपप्रमुख अर्यालयको भनाइ छ ।
प्रतिक्रिया